A morte doutros oito usuarios en residencias de maiores de Galicia eleva a 50 o total de falecementos por coronavirus nas propias dependencias destes centros xeriátricos.
Cinco deses decesos rexistráronse na residencia DomusVi San Lázaro, en Santiago de Compostela, cuxa cifra acumulada ascende a 14; dous en DomusVi Cangas, tamén cun total 14 falecidos, dous deles no hospital; e unha na da nosa Señora da Esperanza, en San Rosendo (Ourense).
O número de contagios non para de crecer, aínda que a un ritmo inferior con respecto ao anterior reconto, e sitúase nos 935 casos, segundo os últimos datos actualizados da Consellería de Política Social.
Xa son 689 os usuarios de residencias de maiores que deron positivo por coronavirus, 32 máis, e 246 traballadores, 14 máis.
A nosa Señora da Esperanza (Ourense) acumula 105 positivos entre residentes e 34 entre traballadores e mantense como o principal foco de contaxio en Galicia.
En canto aos centros de discapacitados, a cifra de contagios ascende a 55 usuarios, cinco máis que no anterior reconto, e a 45 traballadores, tamén cinco máis.
