Galicia rexistra este martes 530 casos activos de covid-19, seis máis que o día anterior, nunha xornada na que se detectaron 27 novos contagios, seis menos, e na que a falta de coñecer o dato de incidencia acumulada é a única comunidade en situación de nova normalidade.
Segundo o Servizo Galego de Saúde, ata as 18 horas do luns había en Galicia 30 persoas hospitalizadas por esta enfermidade, seis delas en unidades de críticos, unha máis; e 24 en planta, unha menos.
Desde o inicio da pandemia contaxiáronse en Galicia 183.285 persoas, das que se curaron 180.137 e faleceron 2.652, ningunha delas nas últimas horas por quinto día consecutivo.
Por áreas sanitarias, a de Ourense segue cun ascenso moi superior á media -que é do 17 % na última semana- e duplicou os seus casos activos neste período, de 51 o pasado martes a 115 nesta xornada.
O área de Santiago, en cambio, ten unha tendencia inversa ao resto e nestes sete días reduciu o seu número de casos activos un terzo, de 74 a 50.
