A actitude conflitiva dun pasaxeiro obrigou a dar media volta a un voo entre Santiago e Londres aos 15 minutos de engalar para regresar a Lavacolla e deixar en terra ao protagonista do incidente.
O alborotador marcouse un Melendi, en referencia aos problemas que tiña o cantante cando voaba e que o levaron a ser detido a bordo nalgunha ocasión. Insultou a azafatas e pasaxeiros e a tripulación decidiu regresar ao aeroporto para que fose sometido a unha revisión médica.
O voo FR8379 de Ryanair aterrou sen complicacións na terminal compostelá antes de reemprender a viaxe ao aeroporto de Stansted, en Londres.
Vuelo de Santiago a Stansted regresa a Santiago a los 15 minutos de vuelo por pasajero conflictivo a bordo. Aterriza sin incidencias. #SafetyFirst pic.twitter.com/P6YAIQCPQl
— Controladores Aéreos 🇪🇸 (@controladores) August 3, 2019