Un peón perdía a vida esta madrugada logo de ser atropelado por un turismo na N-642 ao seu paso polo concello de Burela, Lugo.
Uns minutos logo das 05:15 horas desta madrugada, varios usuarios da vía chamaban ao 112 Galicia para alertar dun vehículo que estaba parado na estrada que une as localidades de Viveiro e Burela, á altura do cruzamento sentido Barreiros. Indicaban que podería tratarse dun atropelo.
Os xestores de urxencias puxeron en alerta ao 061-Urxencias Sanitarias, aos axentes da Garda Civil de Tráfico e aos membros do GES de Cervo. Así mesmo, púxose o suceso en coñecemento da Policía Local e Protección Civil da localidade.
A pesar dos esforzos dos servizos sanitarios desprazados ata ao momento, só puideron confirmar o falecemento da persoa.
