O persoal médico que traballa en puntos de atención continuada (PAC) de Galicia denunciou que varios destes centros quedaron "baleiros" nas últimas semanas ante o desprazamento para atender unha urxencia. O profesional Carlos Gabián, que traballa no PAC de Tui, ese día os servizos mínimos "non estaban cubertos" na Estrada, pero isto xa ocorreu "varias veces", en centros como os de Val Miñor, A Guarda, Ponteareas e Cambados.
Os puntos de atención continuada, segundo expuxo, están pensados para atender urxencias, pero á poboación "dicir que vaia alí para non saturar os hospitais" e logo cando o cidadán "chega, non hai xente".
"SOBRECARGA". Así, censurou que "falta persoal" e que existe unha "sobrecarga de traballo" que "impide" que os PAC "funcionen correctamente", algo que, segundo recordou, o colectivo de traballadores destes centros leva meses denunciado. Gabián indicou que manteñen negociacións coa Consellería de Sanidade desde xaneiro, pero están "paralizadas" e non avanzan, polo que cargou contra o departamento autonómico por non "escoitar aos profesionais".
"Hai que organizarse mellor, nós temos moitas ideas, pero non nos sentimos ben tratados, sentímonos maltratados e isto implica ir queimados e sen forzas ao traballo", lamentou.
DEFENSOR DO PACIENTE. O Defensor do Paciente dirixiuse este mércores á ministra de Sanidade, Carmen Montón, para urxirlle que "poña orde" ante os "graves problemas e acontecementos continuados e evitables" que, ao seu modo de ver, acontecen en España neste servizo público.
Nun comunicado, a presidenta da institución, Carmen Flores, tachou de "desvastadora" a "caída do sistema sanitario", ao que cualifica como "bazofia" porque "a unha paciente con cancro non se lle dá o fármaco que necesita ou está en lista de espera", exemplificou. "Rogámoslle que actúe xa e que poña enriba da mesa solucións", demandou o Defensor do Paciente, á vez que lle pide ao Ministerio "achegar ás comunidades medios suficientes" porque, engade, "ao touro da sanidade cóllese polos cornos e manténselle con vida".
"Volver ser un exemplo de sanidade non é máis que pór sentido común e responsabilidade (...). Esperemos que con seriedade, responsabilidade, e non de cara á galería ou por mercadotecnia, se tomen decisións", sentenciou.
No comunicado, o Sergas indica que en 2017 os 91 centros PAC que hai en Galicia atenderon un total de 1.548.272 situacións de urxencia e resolveron o 91% delas, sen necesidade de que foran derivadas a un hospital.
O Sergas destaca ademais que o persoal dos PAC atende diariamente a unha media de 4.000 pacientes e sinala que representantes das direccións xerais de recursos humanos e de asistencia sanitaria do Sergas integran unha comisión técnica constituída para analizar a situación e abordar a dotación de prazas, tendo en conta distancias de cobertura e dispersión de poboación.
Dita comisión técnica prevé en setembro próximo establecer un diálogo co persoal da PAC e analizar as súas reivindicacións, segundo o Sergas.
