Un menor de idade de 13 anos faleceu este mércores no IES Alexandre Bóveda de Coia, en Vigo. Segundo sinala Atlántico.net, citando á Consellería de Educación, o adolescente padecía unha grave enfermidade coñecida polo persoal do centro.
A falta de máis probas, este mesmo medio apunta a un fallo cardíaco –derivado da doenza que sufría– como causa do tráxico suceso.
O falecemento xerou unha gran consternación entre o alumnado e profesorado do instituto, onde o mozo era moi querido.
