O sector porcino de Galicia emitiu este mércores un comunicado no que expresa a súa preocupación pola expansión da poboación de xabaril na comunidade. No escrito aseguran que o porco bravo é un "transmisor de enfermidades para a cabana gandeira, tales como a tuberculose ou a peste porcina africana".
Os profesionais do negocio vinculado ao gando porcino reclaman ás administracións competentes "nomeadamente á Consellería de Medio Ambiente, a inmediata colaboración dun censo desta especie".
No comunicado falan de vixiar a poboación para "deseñar medidas de control e, no seu caso, de erradicación das poboacións, mediante actuacións cinexéticas e doutro tipo". Estas actuacións, aseguran, protexerían "ás persoas".
