Axentes da Unidade de Delincuencia e Crime Organizado (Udyco) atraparon este luns ao presunto narco Juan Carlos Santórum na mesma cidade de Pontevedra. Os policías con base na Comisaría seguiron a pista da presenza do vilanovés este domingo nos xulgados de Vigo e, tras horas de vixilancias, conseguiron dar con el cando transitaba polo termo municipal da capital.
O vilanovés, que este domingo intentou entregarse, ten ás súas costas unha orde de ingreso en prisión e outra de procura e captura.
Deste xeito, as unidades Udyco e Greco pon fin á fuga e pechan o estraño capítulo iniciado este domingo en Vigo, cando Santórum acudiu a entregarse e alguén lle dixo que volvese ao día seguinte.
Ás 10.00 horas deste luns, áchase nas dependencias da Comisaría de Pontevedra.
