Axentes da Policía Nacional que regresaban a Vigo, tras participar no dispositivo de seguridade pública do Consello de Ministros de Barcelona, rescataron un can que quedou ferido na autovía á altura de Ribadavia (Ourense) tras ser alcanzado por un vehículo.
Unha dotación da O.I.P. escoitou unha forte freada e viu como un vehículo impactaba contra un can de gran tamaño o pasado venres mentres estaba a encher carburante na área de servizo de Ribadavia.
Algúns dos axentes acudiron a socorrer aos ocupantes do vehículo e a sinalizar o perigo para o resto dos usuarios da vía, mentres o resto achegáronse ao animal para intentar tranquilizalo.
O animal foi rescatado e trasladado unha clínica onde lle suturaron as feridas e interviñérono cirurxicamente das fracturas que sufría nas patas dianteira e traseira. A protectora que se fixo cargo do can confirmou aos axentes que non temen pola súa vida.
