Os positivos chegan a 701 nas residencias tras o brote na de Vilalba

Nas últimas 24 horas sumáronse 127 casos
Unha traballadora suxeita a man dunha muller nunha residencia de Celanova. BRAIS LORENZO
photo_camera Unha traballadora suxeita a man dunha muller nunha residencia de Celanova. BRAIS LORENZO

As residencias de maiores de Galicia contabilizan este venres 701 casos activos de coronavirus (116 máis que este xoves) dos que 457 son usuarios e 244 traballadores, tras o brote detectado na residencia asilo de Vilalba (Lugo) que a Xunta interveu este xoves.

Segundo os datos do Servizo Galego de Saúde e a Consellería de Política Social, nas últimas 24 horas sumáronse 127 positivos, dos que 102 corresponden á residencia de Vilalba, 84 usuarios e 18 traballadores.

Tamén hai 18 novos positivos na residencia San Antonio de Beariz (Ourense), 15 residentes e tres traballadores; dous traballadores da residencia Santa Olalla de Boqueixón (A Coruña) e un caso a residencia de San Salvador de Guntín (Lugo), un na de San Rafael de Mondoñedo (Lugo), e outro na DomusVi de Ridadumia (Pontevedra).

Outros dous positivos rexistráronse nos apartamentos tutelados San Antonio de Beariz (Ourense) e a vivenda comunitaria A Palmeira de Beade (Ourense).

Ademais, reportáronse once altas, cinco delas correspondentes a usuarios da residencia de discapacidade Domusvi Bóveda (Ourense) e dúas traballadores da residencia Miragres de Barbadás, na que outros tres traballadores retíranse do cómputo de positivos por cesar das súas funcións.

A lista de negativizados complétase cun usuario da residencia Santa Olalla de Boqueixón (A Coruña), un usuario de Nosa Señora Valvanera de Cambados (Pontevedra) e un traballador da residenciad de maiores con autonomía do Carballiño (Ourense).

O número de residentes contaxiados subiu a 457, 98 máis que este xoves, e o maior brote rexístrase no centro de Vilalba, con 114 positivos, seguido da residencia de 96 en DoralResidencias (Mos) e 44 na DomusVi de Ribadumia.

En canto aos positivos entre empregados, subiron a 244 (18 máis que este xoves), entre os que destacan os 36 de DoralResidencias (Mos) ou os 28 de 28 DomusVi Ribadumia

En canto aos centros de discapacidade, o número de positivos é de 55, dos que 45 son usuarios e 10 son traballadores. A maioría dos contaxiados están na residencia San Vicente de Paúl (Lugo), con 18 residentes afectados e un traballador, e os 17 usuarios de DoralResidencias (Mos). 

Comentarios