O Partido Socialista de Pontevedra denunciou este sábado ante a Xunta Electoral a repartición de panfletos de Ence por parte de traballadores da multinacional nesta xornada de reflexión.
Así, o PSOE solicitou á Xunta Electoral que efectúe as "medidas oportunas" e que proceda á paralización desa repartición, así como ás "correspondentes consecuencias que derivan da infracción da normativa legal vixente".
Tal como explicaron os socialistas nun comunicado, estas reparticións producíronse nas céntricas prazas de España e Ourense da capital provincial.
