O concello lugués de Navia de Suarna foi o epicentro a noite do domingo (22.41 horas) dun novo terremoto, neste caso de 2,2 mbLg. O pequeno tremor non foi sentido pola poboación e non hai constancia de que se rexistraran danos.
Previamente, cara ás 8.56 da mañá do propio domingo, houbo outro de 1,8 no municipio ourensán da Merca.
Tampouco se librou a fin de semana dun terremoto Ponte Caldelas, en Pontevedra, onde hai uns días houbo unha sucesión de tremores. O último movemento foi de 1,7 e foi rexistrado ás 14.56 horas do sábado.
