Remite a vaga de calor, pero Lugo e Ourense seguen en alerta polas altas temperaturas

Os termómetros caen en toda a comunidade salvo no norte de Lugo

Unos niños se lanzan al agua. EFE
photo_camera Uns nenos lánzanse á auga. EFE

A vaga de calor que ao longo dos últimos días deixou altas temperaturas en toda Galicia comezará a remitir este luns, no que se espera un descenso notable nos termómetros de gran parte da comunidade galega, coa excepción do norte de Lugo, onde se prevé que as temperaturas suban lixeiramente. Así o indica Meteogalicia na súa previsión para este luns, unha xornada na que a presenza de ventos de compoñente oeste deixarán moita humidade, especialmente no litoral, no que se instalarán brumas costeiras ao longo de todo o día. 

Pola noite, a entrada dunha fronte moi pouco activo podería deixar algunha choiva débil no noroeste galego. Ourense continuará marcando a temperatura máxima da xornada e poderían alcanzarse os 37 graos, aínda que as máximas no resto de cidades galegas situaranse por baixo dos 27. 

Ante esa previsión, a Axencia estatal de Meteoroloxía mantén en alerta amarela ás provincias de Lugo e Ourense. Espérase, en calquera caso, que a deste luns sexa a última xornada da vaga de calor que marcou o primeiro fin de semana de agosto. 

Durante o domingo foron máis de corenta os municipios galegos en alerta, ao superarse os 37 graos no Miño de Ourense e Pontevedra, no Sur de Lugo e en Valdeorras. Ademais, en moitos puntos do centro da comunidade rexistráronse máis de 34 graos. 

Comentarios