sábado. 30.05.2020 |
El tiempo
sábado. 30.05.2020
El tiempo

A residencia integrada Porta do Camiño queda baleira

A residencia Porta do Camiño. PEPE FERRÍN (AGN)
A residencia Porta do Camiño. PEPE FERRÍN (AGN)
Este venres sairon tres anciáns procedentes das provincias de Lugo e A Coruña e un traslado ao hosptial 

A residencia integrada Porta do Camiño, habilitada pola Xunta para atender aos usuarios que deran positivo por Covid procedentes de centros xeriátricos das provincias de Lugo e A Coruña, quedouse baleira desde este venres, após a saída do últimos catro maiores que quedaban nela.

Segundo informaron a Europa Press fontes de Política Social e de Sanidade, nas últimas horas confirmouse a saída de tres anciáns libres de Covid e o traslado dun cuarto, aínda positivo, ao Hospital Clínico de Santiago.

Este centro sociocomunitario foi habilitado como residencia integrada (medicalizada) dependente do Sergas a finais de marzo, cando a pandemia comezou a recruar e o número de contaxios en residencias (tanto de usuarios como de traballadores) crecía de forma importante. 

Política Social confirmou que esta residencia integrada chegou a acoller a 74 anciáns afectados polo Covid-19. Aqueles que se foron recuperando foron sendo trasladados ás súas residencias de orixe.

Así mesmo, aínda que a residencia quedou baleira de usuarios, non se clausurará, senón que permanecerá aberta e a disposición do sistema sanitario por se fose necesario trasladar novamente a algún maior contaxiado.

A residencia integrada Porta do Camiño queda baleira
comentarios