jueves. 27.01.2022 |
El tiempo
jueves. 27.01.2022
El tiempo

Unha roda tirada causa un accidente cun ferido en Rianxo

Oficinas do 112. EMERXENCIAS GALICIA
Oficinas do 112. EMERXENCIAS GALICIA
En total, tres coches resultaron danados a causa do impacto

A roda dun camión tirada no medio da estrada AG-11, en Rianxo, provocou este venres un accidente entre tres coches, no que resultou ferida unha persoa, informou o 112 Galicia.

Así o indicaron as persoas implicadas no sinistro, que coincidiron en que o choque se produciu por unha roda de grandes dimensións que atoparon no medio do carril.

En total, tres coches resultaron danados a causa do impacto e un dos ocupantes tivo que ser atendido polos profesionais sanitarios.

Desde o servizo de Urxencias mobilizouse ás 18.30 horas un operativo que completaron os Bombeiros de Boiro e os axentes da Garda Civil de Tráfico.

Ademais, o choque ocasionou algunhas dificultades no tráfico, pois se viu interrompida a circulación no carril esquerdo do quilómetro 10 da AG-11.

Unha roda tirada causa un accidente cun ferido en Rianxo