A Policía Nacional de Pontevedra investiga un roubo de material sanitario por valor duns 600.000 euros ocorrido no Hospital Montecelo da cidade na noite do sábado ao domingo.
Fontes da investigación indicaron que os feitos ocorreron nun espazo similar a un 'box' no que había material e do que levaron diversos produtos, entre eles sondas.
Non había signos de que se forzou a porta que dá acceso ao lugar, da que teñen chave varias persoas. Descoñécese se algunha delas puido tela deixado aberta.
Os axentes solicitan máis detalles do sucedido, sobre o que non consta polo momento denuncia do Servizo Galego de Saúde (Sergas), indicaron as mesmas fontes.
