Este sábado as baixas presións localizaranse no Golfo de Biscaia achegando moita inestabilidade, o que deixará ceo moi nubrado e choivas, máis persistentes e de intensidade moderada na metade norte, sendo algo máis intermitentes no sur.
Segundo a información de Meteogalicia, dependente da Consellería de Medio Ambiente, o vento soprará de compoñente norte, moderado no litoral e máis frouxo no interior.
Pola súa banda, as temperaturas non experimentarán cambios significativos. Deste xeito, as máximas subirán ata os 24 graos en Ourense, mentres os valores mínimos descenderán ata os 13 graos en Lugo e Vigo.
