Salvamento Marítimo rescatou este martes o tripulante dun veleiro francés que naufragou a 235 quilómetros da costa da Coruña. O home, de nacionalidade francesa, foi trasladado a terra en bo estado de saúde polo helicoptero Helimer.
A central de coordinación de Salvamento en Madrid recibiu ás 12.00 horas deste martes a petición de auxilio por radiobaliza dun veleiro francés que se atopaba a 146 millas da costa coruñesa, no límite da zona máxima de cobertura do helicóptero de rescate.
Activada radiobaliza a 146 millas (235 km) al NW de Coruña. Se moviliza avión Sasemar 103 que localiza el velero francés Lofoten III con la vela mayor rota y tripulante con material de supervivencia en la popa. Helicóptero Helimer 401 lo rescata y lo traslada a A Coruña. pic.twitter.com/0yi9PXcvN9
— SALVAMENTO MARÍTIMO (@salvamentogob) 26 de marzo de 2019
A continuación, segundo informaron a Europa Press fontes de Salvamento, a central de Fisterra mobilizou a embarcación Sasemar 103 e o helicóptero Helimer 401, que acudiron ao rescate do tripulante do veleiro.
O Sasemar localizou a embarcación en alta mar. O único tripulante do veleiro atopábase na popa do barco ataviado cos elementos de seguridade.
Á chegada do helicóptero, o home lanzouse ao mar e foi rescatado polo Helimer, que trasladou ao tripulante ao aeroporto de Alvedro. O operativo finalizou ao redor das 16.00 deste martes, cando o helicóptero tomou terra no aeroporto coruñés.