Sanidade comunica seis mortes e as vítimas do covid en Galicia elévanse a 803

Catro procedían de residencias e outras das vítimas faleceu no seu domicilio na área sanitaria de Vigo
Contenedores ante la residencia de Os Gozos, en Pereiro de Aguiar. BRAIS LORENZO
photo_camera Colectores ante a residencia dos Gozos, en Pereiro de Aguiar. BRAIS LORENZO

Galicia suma 803 vítimas de covid-19 tras notificar Sanidade este mércores seis novas mortes de persoas que contraeron a enfermidade, xusto un día despois de que se computasen outros once falecementos

A Consellería de Sanidade indicou que os últimos decesos son os dunha muller de 87 anos que estaba ingresada no Complexo Hospitalario Universitario de Santiago (CHUS), e un home de 94 ingresado no Complexo Hospitalario Universitario de Ourense (CHUO) e procedente da residencia de maiores Os Gozos, de Pereiro de Aguiar, intervida pola Xunta. 

Tamén unha muller de 53 anos que estaba ingresada no Complexo Hospitalario Universitario da Coruña (CHUAC) e que era usuaria da residencia Pai Menni de Betanzos e un home de 78 ingresado nese mesmo complexo médico e procedente do xeriátrico Ballesol, de Oleiros. 

Así mesmo, unha muller de 79 anos faleceu no seu domicilio na área sanitaria deVigo e na residencia de maiores Val de Monterrei, de Ourense, tamén intervida, rexistrouse o falecemento dunha muller de 88 anos. Todas estas persoas tiñan patoloxías previas, segundo indica o Sergas.

Comentarios