A socialista Beatriz Sestayo afirmou non notar "que haxa goberno" en Ferrol, onde interpretou que "existe un baleiro de contido nas escasas comisións que se celebran". O alcalde, Jorge Suárez, de FeC, evitou responder as críticas da que fose a súa socia de goberno.
Preguntada Sestayo sobre cal é a súa valoración con respecto á situación na cidade departamental tras a súa marcha do bipartito, sinalou que "existe un baleiro de contido nas escasas comisións que se celebran e moitas delas xa nin sequera convocáronse". A portavoz do grupo municipal socialista instou ao executivo que lidera Suárez a "porse as pilas", porque, segundo incidiu, "hai moitos asuntos por resolver e esa rotura do goberno de xeito unilateral por parte do alcalde está a traer consecuencias malas para a cidade".
A pesar diso, Sestayo trasladou que "o Partido Socialista vai realizar o papel de intentar axudar naqueles puntos en que exista acordo e arrimará o ombreiro". "Pero o que non bendiremos serán cuestións que poidan prexudicar a Ferrol", advertiu.
"TRÁNSFUGA". Ademais, aproveitou para asegurar que "Ferrol segue contando cun goberno tránsfuga, unha valoración terrible para un goberno de esquerda, con miles de votos socialista depositados nas urnas que a día de hoxe están nun goberno de Ferrol en Común".
Ao mesmo tempo, apuntou que confía "na rectificación das dúas concelleiras tránsfugas e que Jorge Suárez deixe de querer votar con votos que os cidadáns de Ferrol non lle deron".
Beatriz Sestayo tamén dixo que tanto "o traballo do grupo municipal como da executiva local continúan con normalidade" e enviou unha "mensaxe" a algúns dos seus detractores, xa que para ela "non hai que confundir esta cuestión co que acodes que non conseguen nas asembleas queren lograr a través de rifas nos medios de comunicación". "Xa que por moito que se grite nestes, non dá os votos nas asembleas", apostilou.
REXEDOR. Pola súa banda, o alcalde de Ferrol opinou que "non é momento de entrar en partidos de tenis" ao ser cuestionado polas manifestacións pola que foi ata o pasado 27 de setembro a súa primeira tenente de alcalde.
A preguntas dos medios de comunicación tras a finalización da xunta de goberno, Suárez trasladou que non ten "nada que dicir", e proclamou que "hai moito traballo por diante".
Así, o rexedor de Ferrol en Común evitou un novo cruzamento de manifestacións entre os que foron socios de executivo durante algo máis de 15 meses na cidade naval.
Ademais, Suárez adiantou que no pleno ordinario de fin de mes, previsto para as 19:00 horas do próximo 27 de outubro, "darase conta dos cambios nas comisións de cultura, que pasará a estar presidida por Suso Basterrechea e Benestar Social, por Sainz Ruiz". "O resto de cambios, en canto á composición de comisións e representante do Concello en órganos externos será levado ao pleno de novembro, ademais dos dereitos das concelleiras non adscritas, xa que estamos pendentes dun informe da secretaria xeral", expuxo.
Suárez xustificou esta medida "para poder abrir unha vía de diálogo con todos os grupos, sen exclusión de ningún, para poder traballar co que se predica, que é traballar con altura de miras e tratar de chegar aos maiores e mellores acordos posibles".
Sestayo ve ao goberno de Ferrol "baleiro de contido"
O alcalde evitou entrar nun novo cruzamento de acusacións coa súa exsocia, que tachou ao executivo local de "tránsfuga"
