O sorteo de Euromillóns deste venres acordouse de Galicia, cun premio de terceira categoría que vale 136.226 euros. O boleto validouse na administración de loterías número 33 da Coruña.
A combinación gañadora está composta polos números 21, 24, 30, 46 e 49. As estrelas foron o 2 e o 5. A recadación superou os 50,7 millóns de euros.
Non se rexistraron boletos acertantes de primeira categoría (cinco acertos e dúas estrelas), polo que no próximo sorteo porase en xogo un bote de 49 millóns de euros.
En España, contabilizáronse dous boletos acertantes de terceira categoría (cinco números), o validado na Coruña e outro en Palafrugell (Xirona).