Tras longo tempo de investigacións e seguimento das comunicacións e movementos da veciña de Viveiro Lucía Expósito, o temor a que na súa radicalización puidese chegar a perpetrar un atentado este xoves en Santiago de Compostela precipitou a súa detención pola Garda Civil, acusada de presuntos delitos relacionados co terrorismo xihadista. Será o xuíz José de la Mata, quen este xoves lle toma declaración na Audiencia Nacional de Madrid, o que lle atribúa indiciariamente os delitos que correspondan á súa actitude, que aínda que veciños de Viveiro confirman que era estraña e sempre viraba en torno ao islamismo, outros atribúen á súa inestabilidade psicolóxica desde que regresou de Canarias, onde estivo empregada no sector da hostalería.
Tanto o Ministerio do Interior como a Garda Civil descartaron o
Distintos medios madrileños destacaron a suposta conversión autodidacta ao yihadismo da detida, sen descartar que teña algún tipo de problema mental. Tras o arresto sería sometida a algún exame médico neste sentido. Ao parecer, a súa apoloxía do terrorismo era notoria e continua, incluso nas redes sociais convencionais.
EN SHOCK. O despregamento efectuado polas unidades de Intervención Rápida e Policía Xudicial da Garda Civil en Galdo para a detención da presunta autora de apología do terrorismo segue dando que falar entre a veciñanza, que sufriu un auténtico shock, aínda que os protocolos de intervención en accións terroristas son moi contundentes, independentemente do nivel de alerta en que estea o país, desde o 4 de xullo de 2015.
"Isto foi horrible, estou aínda en shock porque chegaron aquí ás oito e algo da mañá con semellante despregue e sen saber o que había nin o que pasaba, con moita, moita xente, unha furgoneta coa porta aberta e gardas civís correndo como tolos, tapados", indicaba outro residente.
A veciñanza asegura que pola pista de acceso ás casas da zona "non podía vir ninguén". Isto motivou que varios furgóns de subministracións, como o do panadeiro, tivesen que solicitar a outros residentes que recollesen a mercancía que debía servir, porque "non deixaban pasar pola pista".
A situación en que se atoparía unha persoa maior, de 94 anos, avoa da detida, preocupaba aos veciños. "Foi moito ver semellante operativo, sabendo que hai unha persoa maior, sen saber o que pasa e nin poder achegarte alí a preguntar".
A maioría consideran que en realidade "non hai nada, pero non se sabe tampouco", comentan, á vez que recordan que a arrestada estivo anos fóra do municipio, traballando na hostalería en Canarias, e que volveu "coa cabeza cambiadiña de todo e a voltas co Islam, polo que contaba".
Varios furgóns de repartición de alimentos tiveron que dar a volta ao non poder acceder pola pista de acceso á zona, en Galdo
INESTABILIDADE. Outros veciños recoñecen que a coñeceron de nena pero que lle perderon a pista cando se marchou ás illas. "Comentábase que cambiara de relixión". Toda a veciñanza era coñecedora disto, polo que rehuían o contacto con ela. Ademais, coinciden na súa inestabilidade psicolóxica e que boa parte do que dicía era produto da súa fantasía. "É rariña. Nada que ver cos irmáns", engadiu unha veciña.
Últimamente "non falaba moito cos veciños", segundo indican estes, quen aseguran que "todo o mundo lle escapaba, porque empezaba con esas historias do islamismo" e non querían saber nada do asunto.
Outra persoa que tivo traballando ao seu fillo no Resurrection Fest indicou que "algunhas desas noites acordeime dela, espertaba pensando que podía inmolarse non festival; dirás que son bruxa, pero encima obriguei eu ao rapaz a ir e non tiña outra cousa na miña mente. Se vai para alí facer unha masacre, non queda nada".
A detida estivo empregada como dependenta nunha tenda de cerámica de Viveiro antes de irse a Canarias e recentemente sitúana como vendedora ambulante. Un empresario atopouna hai dous ou tres anos nun mercadillo da comarca e como a coñecía charlaron e Lucía solicitoulle entón traballo no seu negocio.
"Impactante"
A alcaldesa de Viveiro, María Loureiro, cualificou de "impactante" a noticia da detención da vivariense, sobre todo por tratarse dunha veciña do municipio, así como que intentase replicar os actos terroristas das Ramblas.
