Tras varios días de sol e calor sufocante, este mércores Galicia experimentará un xiro meteorolóxico que deixará choivas e tormentas nas provincias de Lugo e Ourense.
O causante desta inestabilidade atmosférica é o aire frío en altura. Segundo a previsión de Meteogalicia, os ceos quedarán parcialmente cubertos en xeral, con chuvascos dispersos na metade este, onde localmente irán acompañados de tormentas en Ourense e Lugo pola tarde. As precipitacións poderían ser fortes e con saraiba en zonas de montaña.
As temperaturas mínimas non experimentarán cambios mentres que as máximas sufrirán un moderado descenso.
Nas Rías Baixas predominarán os ceos pouco nubrados.