A Armada arxentina anunciou este domingo a chegada a Mar da Prata (provincia de Buenos Aires) de 9 dos 25 tripulantes rescatados o mércores tras o afundimento do pesqueiro español Dorneda.
Os tripulantes chegaron á base naval no Beagle I, de bandeira arxentina, que era remolcado polo buque Coalsa II debido a un "inconveniente presentado na planta propulsora".
A Armada arxentina anunciou o pasado venres que tanto o Beagle I como o Farruco, os dous pesqueiros que levaban aos tripulantes rescatados, atrasaríanse por problemas técnicos e climáticos, polo que non chegarían a porto ata este domingo.
O Farruco, con 16 dos rescatados tras o naufraxio e o corpo dun tripulante falecido, xa chegou ao porto de Montevideo.
O afundimento tivo lugar o mércores de madrugada a 570 quilómetros da costa arxentina.
O buque mergullado, da empresa galega Freiremar, transportaba a 27 persoas de nacionalidade española, peruana, marroquí e indonesia, das cales unha apareceu morta nunha das balsas salvavidas nas que se rescatou á tripulación e outra aínda se atopa desaparecida.
Os tripulantes rescatados de Dorneda chegan a Arxentina
Chegaron á base naval no Beagle I, de bandeira arxentina, que era remolcado polo buque Coalsa II debido a un "inconveniente presentado na planta propulsora"