O Grupo Parlamentario Socialista enviou un escrito á Mesa do Parlamento de Galicia no que rexistrou, por erro, a Abel Caballero como novo portavoz parlamentario en lugar da o secretario xeral do PSdeG e sobriño seu, Gonzalo Caballero. Tratábase do formalismo para relevar a Xoaquín Fernández Leiceaga á fronte do grupo no Hórreo e o gazapo non pasou de anécdota. De feito, fontes socialistas restáronlle importancia e atribuírono a un "erro humano" que "aos 20 minutos xa estaba solucionado".
O que ocorre é que o erro non tardou en ser difundido por diferentes cargos populares a través das redes sociais, como o propio vicepresidente da Xunta e presidente do PP de Pontevedra, Alfonso Rueda; ou o número dous do partido, Miguel Tellado.
Ja ja ja .... pic.twitter.com/HI2JKf082C
— Miguel Tellado (@Mtelladof) December 2, 2019
Erros aparte, Gonzalo Caballero xa é oficialmente portavoz parlamentario do PSdeG e deixará a xestión ordinaria do día a día do grupo en mans de tres viceportavoces: Patricia Vilán, Luís Álvarez e Noela Blanco. Tamén haberá cambios nas comisións.
