Un home resultou ferido tras caer coa moto que conducía na parroquia boirense de Bealo, segundo informou a central do 112 Galicia.
Ata o lugar do accidente, que se produciu ao redor das 14.00 horas deste venres, desprazouse o helicóptero medicalizado con base en Santiago, aínda que, finalmente, o ferido puido ser trasladado en ambulancia.
Segundo explicaron os servizos de urxencias, á súa chegada, localizaron ao motorista tendido no medio da vía e urxían a intervención das forzas de seguridade. Os bombeiros da localidade e os membros do servizo municipal de Protección Civil limparon os restos da calzada e retiráronse ás súas bases.
Un motorista resultou ferido tras sufrir un accidente en Boiro
Ata o lugar do suceso desprazouse un helicóptero medicalizado pero, finalmente, o home puido ser trasladado en ambulancia
