A Policía Nacional detivo a catro homes, un deles menor de idade, acusados de roubar a campá dunha igrexa de Redondela que fora desmontada para a súa reparación, informaron fontes policiais.
Un dos detidos, de 36 anos, é pai do menor, de 16, mentres que os outros dous arrestados teñen 20 anos.
Todos eles son sospeitosos de extraer dun anexo da igrexa, á que accederon a través dunha fiestra, a campá, de aceiro macizo e duns 50 quilos de peso, e cargala nun vehículo.
No curso da investigación, a Policía soubo que días antes do roubo un vehículo con varios ocupantes fora visto merodeando polas inmediacións.
Unha vez identificados os sospeitosos, que tiñan antecedentes, a Policía procedeu a súa detención simultánea na mañá deste martes.
