Os veciños de Porto de Sanabria, un pobo da al montaña de Zamora lindeiro con Ourense, queren ser galegos. Séntense discriminados pola súa comunidade e acaban de elixir cun 90% dos votos nunha consulta popular disgregarse de Castela e León.
Aínda que a consulta só preguntaba se querían ou non seguir formando parte de Castela e León, os pouco máis de 200 residentes do pobo teñen claro que a opción é unirse a Galicia.
"Culturalmente somos galegos e xeográficamente tamén", di un veciño da zona. "Llevaríamos un montón de perjuicios a Galicia pero también muchos beneficios, como la extensión del terreno y los recursos hidráulicos de tiene Porto", afirmou outro en declaracións á TVG.
"Castilla y León ignora totalmente esta zona y, por lo tanto, nosotros no debemos pertenecer a esta comunidad que nos está dando la espalda desde hace años", engadiu outro residente.
Os veciños, que crearon a plataforma 102 aseguran que seguirán loitando pola supervivencia do seu pobo. Entre as súas principais demandas está a reparación da estrada que pasa pola localidade e que, según din, se atopa nunha situación lamentable.