Galicia vivirá este venres unha xornada intermedia entre a borrasca e o temporal que obrigou a decretar a alerta laranxa este xoves e a influencia anticiclónica que se prevé de cara ao fin de semana.
Os ceos estarán parcialmente nubrados, con algúns chuvascos illados e ocasionais pola mañá e a cota de neve estará sobre os 900-1000 metros, nas zonas orientais da comunidade, como as montañas de Lugo e Ourense.
Segundo Meteogalicia, as temperaturas sufrirán un descenso moderado e os ventos soprarán moderados, de compoñente oeste, con intervalos fortes pola tarde no litoral norte.
No mar, ademais, segue activa a alerta amarela no litoral da Coruña e en Pontevedra ata o mediodía con ondas de ata 4 metros.
Temperaturas mínimas e máximas previstas
A Coruña 8° 14°, Ferrol 9° 13°, Lugo 5° 10°, Ourense 7° 12°, Pontevedra 7° 12° , Santiago 7° 12°,
Vigo 8° 15°.
Vigo 8° 15°.
