O tempo primaveral do que gozou a comunidade nos últimos días dará paso de novo á choiva tormentosa este domingo, que volverá ao interior galego a partir do mediodía, nunha xornada con nubes e claros en toda a comunidade. Así, os ceos estarán nubrados no litoral norte durante toda a xornada, mentres que o resto de Galicia amencerá con nubes medias e altas que darán paso co transcurso das horas a chuvascos tormentosos.
As temperaturas quedarán sen cambios significativos, con lixeiros descensos das máximas na costa, segundo as previsións de Meteogalicia. Así, nas capitais os termómetros oscilarán entre os dez graos de mínima que se alcanzarán en Lugo e os 28 de máxima en Ourense.
