Vox renova a súa xestora en Pontevedra con Álvaro Díaz-Mella á cabeza

Un fillo de Antonio Ramilo, alcalde vigués no franquismo, será o seu número 2
La gestora de Vox Pontevedra. TWITTER
photo_camera La gestora de Vox Pontevedra. TWITTER

A dirección estatal de Vox designou unha nova xestora en Pontevedra que está encabezada por Álvaro Díaz-Mella como presidente e na que figura como número dous un fillo do exalcalde vigués e expresidente da patronal galega, Antonio Ramilo. 

Así, tras o cesamento da anterior xestora, Díaz-Mella –que formaba parte do equipo saínte– converterase no terceiro presidente de Vox Pontevedra en menos dun ano. 

Segundo informa a organización nun comunicado, o novo equipo da formación terá como obxectivo "fortalecer e revitalizar a estrutura orgánica provincial de face aos próximos comicios autonómicos". 

A vicepresidencia estará ocupada por Atonio Ramilo Rodríguez de Robles, fillo do exalcalde vigués durante o franquismo Antonio Ramilo, que dirixiu a Confederación de Empresarios de Galicia nos anos 1990. 

Ademais, Tomás Calvar Landín exercerá de secretario e Fernando Garrido Fernández e Noemí Olmedo Villalba completan a xestora como vocais.

Comentarios