A xuízo por intentar "atemorizar" o alcade de Santiago a través das redes sociais

Entre outras cousas, díxolle a Noriega que non esquecese que "después del 39 se comenzaron a llenar las cunetas de miles de putos rojos"

Martiño Noriega Sánchez (A Coruña, 1975). PEPE FERRÍN
photo_camera Martiño Noriega Sánchez (A Coruña, 1975). PEPE FERRÍN

O xulgado do penal número 1 de Santiago acollerá este mércores, o xuízo contra o home detido en 2015 por intentar "atemorizar" o alcalde compostelán, Martiño Noriega (Compostela Aberta), a través das redes sociais.
 
A vista fora sinalada para febreiro deste ano, pero se suspendeu pola folga de funcionarios da xustiza. 

No escrito fiscal para este xuízo, a cuxo contido tivo acceso Europa Press, o Ministerio Público pide dous anos de cárcere con inhabilitación especial para o dereito de sufraxio pasivo durante o tempo da condena e privación de tenencia de armas durante outros dous anos. 

Así, o acusado, que foi detido en setembro de 2015 tras unha denuncia policial presentada polo alcalde, "publicou no muro de perfil público da rede social Facebook mensaxes" coa "intención de atemorizar" o rexedor compostelán. 

MENSAXES EN REDES SOCIAIS. Concretamente, o escrito fiscal recolle unha mensaxe do 8 de setembro de 2015 no que se lle indicaba que "non esquecese que despois do 39 comezaron a encherse as cunetas de miles de putos rojos". "Non nos gustaría repetir a historia, aínda que están moi interesados en que se repita, haberá que darlles a razón señor alcalde", engadía. 

O 11 de setembro de 2015, Jesús Enrique M.H., que figura como suplente nunha lista electoral da Falange pola provincia da Coruña no ano 1989 -feito que, segundo as fontes consultadas, tamén se recolle no informe policial-, volveu escribir unha mensaxe. 

Nesta ocasión recomendaba que "aínda que non é relixioso, rezase bastante para que ningunha destas persoas (en referencia a uns "amigos") o atope cruzando a rúa, non fose ser que confundisen o freo co acelerador do coche". 

"EMBARGAR CONTAS". Xa o 16 de setembro referíase ao alcalde como "ese gorrechas" -xa que adoita utilizar boina- e engadía: "Deus non queira que nos crucemos pola rúa, porque entón si que vas desexar cambiar de planeta... non me representas alcalducho de merda ... podes seguir embargando as contas... puto rojo fascista... pena que Pakiño non acabase con todos vós... isto teriamos gañado agora". 

Fontes consultadas por Europa Press aseguraron no seu momento que este veciño de Santiago desde hai máis de 20 anos, no momento da detención en 2015, tiña un proceso de embargo desde 2005 por falta de pagamento de impostos municipais por valor de 1.500 euros.

Comentarios