A Audiencia Provincial da Coruña acolle este luns, día 25 de xaneiro, o xuízo contra catro persoas acusadas pola súa presunta participación na compra e venda de 400 gramos de cocaína.
Segundo informou o Tribunal Superior de Xustiza de Galicia (TSXG), un dos acusados chegou a trasladar en autobús desde Murcia ata Ferrol a mercancía oculta en dous xoguetes infantís.
O fiscal pide para cada un dos acusados cinco anos de prisión por un delito contra a saúde pública. Os feitos, que proceden do Xulgado de Instrución número 3 de Ferrol, serán xulgados a partir das 10.15 horas na Sección Primeira da Audiencia Provincial.
Xulgan na Coruña a catro acusados de participar na compra e venda de 400 gramos de cocaína
O fiscal pide cinco anos de prisión para cada imputado. Un deles trasladou a mercancía en autobús, desde Murcia ata Ferrol, oculta en xoguetes infantís
