Na próxima tempada cinexética ampliarase en case un mes o período hábil para cazar xabarís, informou este venres a Xunta nun comunicado.
Esta foi unha das decisións aprobadas este venres na reunión do comité galego de Caza, presidido pola directora xeral de Patrimonio Natural da Xunta, Belén do Campo, quen indicou que hai preocupación xerada polo aumento de poboación de xabarís que incrementou os danos a agricultores e gandeiros, os accidentes de tráfico e a propagación da peste porcina africana en Europa.
A iniciativa de prolongar o período hábil para cazar esta especie é unha proposta trasladada polos catro comités provinciais e que contou co consenso dos representantes do sector na reunión, xustificada nunha aparente sobreabundancia.
A nova tempada comezará o próximo 24 de agosto e finalizará o 29 de febreiro de 2020, e mantéñense os xoves, sábados, domingos e festivos como xornadas hábiles para a caza.
