O Goberno galego habilitará un préstamo co que prevé "mobilizar ata 60 millóns de euros" para cubrir o custo da próxima vendima e "que as uvas non queden nas cepas ou nas parras", dixo este xoves o presidente da Xunta, Alberto Núñez Feijóo.
Tras a reunión semanal do Executivo galego, Núñez Feijóo explicou que ante unha "situación excepcional e un momento excepcionalísimo" o Goberno galego tomou esta decisión para que todas as adegas poidan comprar "toda a colleita en condicións normais de mercado" cando hai "unha tensión enorme no sector".
Sobre a situación no sector vitivinícola, o presidente galego asegurou que a proposta do Ministerio é non vendimiar unha parte, xa que hai excedentes embotellados da colleita anterior que non puideron saír ao mercado polo peche dalgunhas das súas canles habituais de distribución durante a pandemia.
Tras a reunión semanal do Executivo autonómico, a última antes das eleccións e, polo tanto, antes de estar en funcións, Núñez Feijóo destacou o financiamento autonómico de 14 millóns de euros, para mobilizar ata 60 millóns, e dotar de liquidez a autónomos, pemes e microempresas.
Trátase de dúas liñas, unha dotada con 6,1 millóns de euros para microcréditos de entre 3.000 e 20.000 euros e que se une aos "300 millóns de euros" para este fin xa postos en marcha con anterioridade para axudar aos sectores máis afectados pola Covid-19.
A segunda línea de axudas prestará especial atención as orquestras.
A outra liña, con 8 millóns de euros, é para sectores máis específicos, "sen cabida nas axudas ICO", especialmente o sector cultural e artístico, con especial "atención ás orquestras".
Trátase de préstamos directos da Xunta, sen sociedades de garantía recíproca nin entidades financeiras, de entre 3.000 e 200.000 euros.
Entre outras medidas, ademais, o Consello da Xunta deu o visto bo aos prezos universitarios para o próximo ano, coa baixada na matrícula dos máster ata equiparala cos graos, que seguirán conxelados por décimo ano consecutivo.
Para paliar esta baixada de ingresos que terán as universidades, a Xunta abonaralles 2,5 millóns de euros unha vez que os centros académicos lle remitan o número de matriculados nestes cursos máster.
Tamén durante a reunión deste xoves a Xunta informou da incorporación de 11 investigadores ao programa Talento Senior, 7 dos cales exercían fora de Galicia.
