A Xunta de Galicia ten previsto poder realizar a oferta de emprego público para 2021 "non máis aló" do mes de febreiro e que a cantidade de prazas incluídas para o ámbito educativo e sanitario móvase "en liñas parecidas" ás deste ano.
Así o asegurou o conselleiro de Facenda, Valeriano Martínez, na rolda de prensa tras a entrega no Parlamento do proxecto de orzamentos para o ano que vén, na que manifestou que espera poder realizar esa convocatoria "máis pronto que tarde" unha vez que se aproben as contas públicas a finais de xaneiro.
A Xunta ofertou este ano un total 7.380 prazas, das cales 3.254 son para Educación, 2.741 para a administración xeral, 1.215 para o Consorcio de Servizos Sociais e 985 para Sanidade.
O conselleiro dixo puntualizado que para o ano que vén "é difícil chegar" a estas cifras, sobre todo no caso da administración xeral, pero no resto de parámetros a oferta moverase "en liñas moi parecidas", apuntou.
En canto ao prazo para esta convocatoria, explicou que a intención da Xunta é facela "inmediatamente" tras a aprobación dos orzamentos, polo que cre que será "non máis aló do mes de febreiro" podo estar conformada esta oferta.
Martínez volveu a reclamar ao Goberno central "a total eliminación" da taxa de reposición de prazas públicas e advertiu que desde a Xunta "non se van conformar"" ata non conseguir este cambio.
"Somos todos o suficientemente maiores para, á parte de falar e predicar, poder chegar á estabilización dos nosos persoais e nunca máis este volume de temporalidade que presentan", reprochou, aínda que destacou que Galicia que é a que mellor cociente ten neste ámbito.
Ademais, engadiu que na Lei de Medidas Administrativas e Fiscais que acompañan aos orzamentos van "medidas moi concretas" para poder axilizar todo tipo de convocatorias, tanto no ámbito educativo e sanitario como da administración xeral, sempre coas garantías sanitarias necesarias.
GASTO SOCIAL. O conselleiro de Facenda destacou o gasto social dos orzamentos elaborados pola Xunta para 2021 que supón que catro de cada cinco euros irán destinados a sanidade, educación, política social, emprego e reactivación económica, así como uns beneficios fiscais para os contribuíntes que chegan aos 472 millóns de euros.
Na rolda de prensa no Parlamento galego, tras entregar o proxecto de contas públicas para 2021, resaltou que estes orzamentos -que suman un total de 11.664 millóns de euros, un 14,9 % máis que os deste ano- contemplan un investimento tamén "excepcional" de 2.592 millóns de euros, e un "gasto social", segundo o conselleiro, de 8.540 millóns de euros, 864 máis que este ano.
Polo que respecta ao gasto territorializado, o maior investimento por habitante producirase nas provincias do interior, empezando por Lugo, con 4.704 euros por habitante; Ourense, con 4.461 euros per cápita; e A Coruña e Pontevedra, con 3.633 euros e 3.493 euros, respectivamente.
Os orzamentos inclúen unha redución do 6,4 por cento no Fondo de Cooperación Local, ata