El tiempo
viernes. 03.02.2023
El tiempo

A Xunta investirá 6,5 millóns na conservación da catedral de Santiago

El conselleiro de Cultura, Román Rodríguez, y el director de la Fundación Catedral de Santiago, Daniel Lorenzo, visitan las obras de rehabilitación de la capilla del Cristo de Burgos. XOÁN CRESPO
El conselleiro de Cultura, Román Rodríguez, y el director de la Fundación Catedral de Santiago, Daniel Lorenzo, visitan las obras de rehabilitación de la capilla del Cristo de Burgos. XOÁN CRESPO

Ademais, a Administración autonómica vai impulsar o desenvolvemento de modelo computacional para estudar e predicir a circulación do aire no interior do templo

A Xunta de Galicia dedicará un investimento de 6,5 millóns de euros ata o ano 2027 á conservación da catedral de Santiago de Compostela 

Así o avanzou na mañá deste luns o titular de Cultura, Educación, FP e Universidades, Román Rodríguez, no transcurso dunha visita á basílica compostelá, informa nun comunicado o Goberno galego.

No seu percorrido pola basílica, o titular de Cultura estivo acompañado polo director da Fundación Catedral, Daniel Lorenzo, e o catedrático de Física Aplicada da Universidade de Santiago de Compostela Jorge Mira.

Ademais, a Administración autonómica vai impulsar, xunto co Centro de Investigación e Tecnoloxía Matemática de Galicia, o desenvolvemento de modelo computacional para estudar e predicir a circulación do aire no interior do templo.

Este proxecto permitirá á catedral de Santiago, segundo explícase no comunicado, dispor dun novo modelo matemático que describa a dinámica de fluxos de aire co fin coñecer con exactitude os efectos dos niveis de CO2 no interior do templo, e prever con tempo suficiente medidas destinadas a regulalo ou modificalo para mellorar o seu mantemento e conservación patrimonial.

Para conseguilo, nunha primeira fase, reproducirase en 3D o espazo interior da catedral e todas as posibles entradas de aire para, a continuación, analizar en detalle as liñas de corrente e determinar cales son as características de cada unha das superficies do interior, segundo se expón na nota da Xunta. 

A Xunta investirá 6,5 millóns na conservación da catedral de Santiago
comentarios