A Xunta limita a 43 o número de barcos con turistas que irán por día ás Cíes

O horario activarase o 24 de xuño ata setembro, ademais estará aberto para os fins de semana e festivos de outubro

Usuarios esperando en Vigo para embarcar cara as Cíes. AEP
photo_camera Usuarios esperando en Vigo para embarcar cara as Cíes. AEP

Os barcos que transportan turistas ás illas Cíes estarán sometidos a unha limitación de horarios e frecuencias, anunciou este martes a Xunta, co fin de evitar a masificación da zona, protexida como parque nacional.

A finais de agosto pasado unhas 2.000 persoas viron frustradas as súas visitas a ese paraíso natural que forma parte do parque das illas Atlánticas, ao superarse a cota de visitantes permitido de 2.200 turistas e 800 persoas autorizadas a acampar diariamente, a pesar de adquirir previamente un billete ás navieras.

As negociacións entre representantes do Goberno autonómico galego e as sete navieras autorizadas para o transporte regular de viaxeiros establece un total de 43 atracadas para o verán, un período que comezará o próximo 24 de xuño e prolongarase ata setembro, ademais de fins de semana e festivos de outubro.

"O número de barcos por naviera que efectuará o transporte regular este verán, asigna un máximo de catro horarios por cada barco de cada unha das navieras", indica a Xunta.

Subliña que "foi necesario reducir as frecuencias horarias" debido a razóns "de seguridade", seguindo as conclusións dun informe de Capitanía Marítima que recomenda que "o intervalo de tempo necesario entre saídas dos barcos non debe ser inferior a 20 minutos".

A Dirección xeral de Patrimonio Natural da Xunta anunciou o compromiso ás navieras, ás que lles indica que a distribución de horarios "non inflúe no número de visitantes que poden acceder ás illas".

Nese sentido, indica que pretende activar unha aplicación informática de reservas que este ano será "obrigatoria" para que os visitantes poidan acceder ás Cíes e que se poderá adquirir por internet no portal autorizacionillasatlanticas.xunta.gal

Comentarios