A Xunta "non vai renunciar a ningunha vía", tampouco á xudicial, na súa reclamación ao Ministerio de Facenda dos 700 millóns de euros que debe á comunidade, pero será a súa asesoría xurídica a que decida se se une á demanda da Generalitat de Cataluña ou se, polo contrario, vai pola súa conta. Así o asegurou este xoves o secretario xeral dos populares galegos, Miguel Tellado, quen subliñou que eles foron "os primeiros" nesta demanda.
En calquera caso, e ante preguntas dos xornalistas, Tellado mostrou a "disposición" do seu partido a "facer unha fronte común de comunidades autónomas", pero precisou que non se trata de sumarse" e que "cada comunidade ten a súa propia iniciativa". Nesa liña, acusou o Goberno en funcións de estar a crear un "problema sen precedentes" e esixiu a "transferencia urxente" a Galicia dos 700 millóns, dos que 530 están incluídos nos orzamentos de 2019 e serven, segundo dixo, para financiar servizos públicos.
Miguel Tellado: "Galicia leva meses reivindicando a transferencia urxente destes recursos que están xa comprometidos"
Para Tellado, a postura explicitada este mércores pola Generalitat de Cataluña "pon de manifesto que este é un problema global", polo que urxiu unha "solución global", apelando ao "consenso político" respecto diso na comunidade. Aínda así, criticou ao PSdeG, que se abstivo nunha votación na Cámara, e acusou ao seu líder, Gonzalo Caballero, de "complicidade" co Executivo de Pedro Sánchez, algo na súa opinión "inaceptable".
Cuestionado por se Galicia se sumará agora ao recurso anunciado pola Generalitat, o secretario xeral dos populares dixo que é esta a que se suma á postura de Galicia", e fixo fincapé en que mantén unha postura "común" a varias comunidades. Para o PPdeG, engadiu, é "importante que haxa unha fronte común para dicir que non todo vale", pero "non se trata de sumarse" xa que a Xunta ten "unha iniciativa propia" e foi "a primeira en alzar a voz" e "reclamar o desbloqueo" destes fondos, xa que entende que o Goberno ten mecanismos para facelo.
Ana Pontón: "Galicia necesita un presidente que exerza como tal"
BNG. Neste punto, a portavoz nacional do BNG, Ana Pontón, instou este xoves ao presidente da Xunta, Alberto Núñez Feijóo, a que "tome nota" de Cataluña e "presente un recurso xudicial" para que o Goberno de Pedro Sánchez libere os pagos polo financiamento autonómico.
A nacionalista suma á reclamación dos 700 millóns do financiamento autonómico outros 200 en materia de dependencia, "que xa debe desde a época de Rajoy", á vez que insta a demandar "eses máis de 2.000 millóns que durante os últimos anos se presupostaron pero non se investiron na mellora do ferrocarril no noso país". "Galicia necesita un presidente que exerza como tal", dixo.
Segundo Pontón, o presidente do Executivo galego "dedícase a facer declaracións, simulacros", pero, ao seu xuízo "non ten determinación á hora de defender os intereses deste país".
Gonzalo Caballero: "Ponse a Xunta a disposición dos intereses do PP con fin partidista e instrumental"
PSdeG. O secretario xeral do PSdeG, Gonzalo Caballero, instou este xoves ao presidente da Xunta, Alberto Núñez Feijóo, a deixar de contar "unha película" sobre os 700 millóns que reclama o Goberno galego ao Estado e dedicarse, no seu lugar, a gobernar. A partir de aí, acusou ao popular de estar a practicar unha política de "bandazos" e "aplaudir" un día a Vox e outro "seguir a estratexia" dos indepedentistas cataláns, en relación coa decisión de Cataluña de recorrer aos tribunais pola débeda con esta autonomía.
O socialista asegurou que as declaracións de Feijóo sobre a débeda do Ministerio de Facenda con Galicia forma parte dunha "
