Facebook, Instagram e WhatsApp experimentan fallos ao cargar imaxes e vídeos

Os problemas, a nivel global, comezaron pouco antes das 16.00 horas

WhatsApp. EP
photo_camera WhatsApp. EP

As plataformas Facebook, Instagram e WhatsApp están a ter problemas a nivel global desde pouco antes das 16.00 hora española que impiden aos usuarios facer un uso normal das mesmas, xa que non cargan ben as imaxes nin os vídeos.

Segundo recolle o portal DownDetector, os servizos da compañía Facebook empezaron a ter problemas ao redor das 16.00 horas da España peninsular. O problema, aínda que global, non afecta por igual todas as rexións do mundo.

Neste sentido, os problemas en Facebook afectan principalmente a Europa e a zona central e o leste de Estados Unidos. En WhatsApp, pola súa banda, a incidencia é maior en América do Sur e Europa central, mentres que en Instagram repórtanse problemas sobre todo en Europa e Estados Unidos, segundo Outage Report.

Nos tres casos, os usuarios refiren problemas na carga de contidos audiovisuais.

Comentarios