Corea de Norte declarou a "máxima urxencia" sanitaria e decretou o illamento na cidade de Kaesong, fronteiriza co Sur, tras detectar alí un posible caso de COVID-19, o primeiro ata a data anunciado polo réxime.
O caso 'sospeitoso' afecta a un cidadán norcoreano que desertara ao Sur hai tres anos e retornado ao Norte tras cruzar "de forma ilegal" a fronteira militarizada que separa a ambos os países o pasado día 19, segundo informou este domingo a axencia estatal norcoreana KCNA.
Tras coñecerse o posible contaxio, o líder norcoreano Kim Jong-un presidiu este sábado unha reunión da cúpula do Partido dos Traballadores na que se decidiu "bloquear completamente" Kaesong e pór en illamento os diferentes distritos da provincia fronteiriza co Sur.
Kim tamén decidiu pasar do "estado de urxencia contra a epidemia" en que se atopaba o réxime ao "sistema de urxencia máxima", e deu instruccións sobre as "accións e medidas organizativas" que deberán implementarse nos diferentes órganos do partido e en institucións sanitarias e de seguridade nacional, segundo a KCNA.
"A pesar das intensas medidas anti-epidemia aplicadas en todos os ámbitos e do estrito peche de todas as vías de entrada nos últimos seis meses, houbo unha situación crítica pola cal o virus podería terse introducido no país", dixo Kim durante a reunión celebrada na véspera.
O desertor retornado ao Norte foi posto baixo "estrita corentena" despois de que se lle detectasen síntomas e realizasen varias probas médicas con resultados "incertos", e as autoridades norcoreanas tamén realizaron test e illaron a todas as persoas que tiveron contacto con el, detallou a axencia estatal.
O réxime de Pionyang decidiu ademais realizar unha "investigación exhaustiva" da unidade militar despregada na zona fronteiriza pola que penetrou o desertor, con vistas a tomar "as medidas necesarias" e a administrar "un severo castigo" aos responsables de que se producise esa incursión ilegal en territorio norcoreano.
A reunión do buró político do Partido dos Traballadores contou tamén coa participación por videoconferencia de diferentes órganos de poder do réxime e con oficiais do centro norcoreano anti-epidemias, entre outros responsables políticos, militares e sanitarios, segundo recolle a KCNA.
Corea do Sur, pola súa banda, cre que existe unha "alta posibilidade" de que se producise un cruzamento ilegal na fronteira intercoreana tal e como afirma Pionyang, segundo dixo domingo un oficial militar surcoreano sen identificar á axencia local Yonhap. O mando militar conxunto surcoreano atópase tratando de verificar os detalles do incidente, e por agora non confirmou se a persoa que cruzou a fronteira foi un desertor norcoreano, segundo a mesma fonte.
A cidade de Kaesong, onde se detectou o contaxio e que foi posta baixo illamento desde o sábado, albergaba a oficina de enlace intercoreana que o Norte destruíu a mediados de xuño como represalia polo envío de propaganda mediante globos por parte de activistas desde o Sur.
Corea do Norte puxera en marcha o seu "sistema de urxencia nacional" o pasado xaneiro para evitar a propagación do novo coronavirus no seu territorio, o que supuxo o peche completo das súas fronteiras terrestres.
Aínda que se descoñece o verdadeiro alcance da pandemia no país, ata a data o hermético réxime non notificou oficialmente á Organización Mundial da Saúde ningún caso de COVID-19, nin informou de ningún posible contaxio.
O caso 'sospeitoso' afecta a un cidadán norcoreano que desertara ao Sur hai tres anos e retornado ao Norte tras cruzar "de forma ilegal" a fronteira militarizada que separa a ambos os países o pasado día 19, segundo informou este domingo a axencia estatal norcoreana KCNA.
Tras coñecerse o posible contaxio, o líder norcoreano Kim Jong-un presidiu este sábado unha reunión da cúpula do Partido dos Traballadores na que se decidiu "bloquear completamente" Kaesong e pór en illamento os diferentes distritos da provincia fronteiriza co Sur.
Kim tamén decidiu pasar do "estado de urxencia contra a epidemia" en que se atopaba o réxime ao "sistema de urxencia máxima", e deu instruccións sobre as "accións e medidas organizativas" que deberán implementarse nos diferentes órganos do partido e en institucións sanitarias e de seguridade nacional, segundo a KCNA.
"A pesar das intensas medidas anti-epidemia aplicadas en todos os ámbitos e do estrito peche de todas as vías de entrada nos últimos seis meses, houbo unha situación crítica pola cal o virus podería terse introducido no país", dixo Kim durante a reunión celebrada na véspera.
O desertor retornado ao Norte foi posto baixo "estrita corentena" despois de que se lle detectasen síntomas e realizasen varias probas médicas con resultados "incertos", e as autoridades norcoreanas tamén realizaron test e illaron a todas as persoas que tiveron contacto con el, detallou a axencia estatal.
O réxime de Pionyang decidiu ademais realizar unha "investigación exhaustiva" da unidade militar despregada na zona fronteiriza pola que penetrou o desertor, con vistas a tomar "as medidas necesarias" e a administrar "un severo castigo" aos responsables de que se producise esa incursión ilegal en territorio norcoreano.
A reunión do buró político do Partido dos Traballadores contou tamén coa participación por videoconferencia de diferentes órganos de poder do réxime e con oficiais do centro norcoreano anti-epidemias, entre outros responsables políticos, militares e sanitarios, segundo recolle a KCNA.
Corea do Sur, pola súa banda, cre que existe unha "alta posibilidade" de que se producise un cruzamento ilegal na fronteira intercoreana tal e como afirma Pionyang, segundo dixo domingo un oficial militar surcoreano sen identificar á axencia local Yonhap. O mando militar conxunto surcoreano atópase tratando de verificar os detalles do incidente, e por agora non confirmou se a persoa que cruzou a fronteira foi un desertor norcoreano, segundo a mesma fonte.
A cidade de Kaesong, onde se detectou o contaxio e que foi posta baixo illamento desde o sábado, albergaba a oficina de enlace intercoreana que o Norte destruíu a mediados de xuño como represalia polo envío de propaganda mediante globos por parte de activistas desde o Sur.
Corea do Norte puxera en marcha o seu "sistema de urxencia nacional" o pasado xaneiro para evitar a propagación do novo coronavirus no seu territorio, o que supuxo o peche completo das súas fronteiras terrestres.
Aínda que se descoñece o verdadeiro alcance da pandemia no país, ata a data o hermético réxime non notificou oficialmente á Organización Mundial da Saúde ningún caso de COVID-19, nin informou de ningún posible contaxio.
