O xoves non se esperan cambios na situación meteorolóxica, estando Galicia baixo a influencia das altas presións e con ventos de compoñente oeste. Así, espéranse ceos pouco cubertos ou despexados en xeral, con neblinas costeiras na franxa atlántica e néboas matinais.
Así o avanza a predición de Meteogalicia, que prevé ventos frouxos de compoñente oeste, con intervalos de moderado durante a tarde no litoral norte. As temperaturas non experimentarán cambios significativos.
Desta forma, entre as principais cidades galegas, as máximas oscilarán entre os 31 graos de Ourense e os 22 da Coruña, e as mínimas baixarán ata os 11 graos en Santiago aínda que chegarán aos 18 na Coruña.
