A provincia de Lugo estará este mércores en aviso por choivas e tormentas, segundo a Axencia Estatal de Meteoroloxía (AEMET). Polo xeral, en Galicia persistirá a situación de inestabilidade atmosférica por aire frío en capas altas, de forma que se esperan néboas matinais en zonas de interior e brumas costeiras no litoral atlántico, que darán paso a ceos con alternancia de nubes e claros, con chuvascos tormentosos, máis probables pola tarde no interior.
En canto ás temperaturas, está previsto que se alcancen os 30 graos na cidade das Burgas, mentres que na capital lucense os termómetros non pasarán dos 29 graos e nas outras grandes urbes galegas —como Pontevedra, A Coruña, Santiago ou Ferrol— tocarán teito en 27 graos. En canto aos valores mínimos, situaranse en 15 graos en Lugo, en 16º na Boa Vila e en 18º na capital herculina.
