Galicia continúa este mércores baixo a influencia das borrascas atlánticas, que enviarán unha fronte ao final do día. Así é que, tras unha mañá con nubes, a partir do mediodía volverán as chuvias, que entrarán polo oeste e iranse estendendo a toda a comunidade.
As previsións de Meteogalicia apuntan tamén a que as temperaturas mínimas rexistrarán un lixeiro descenso, con xeadas en puntos do interior, e a que as máximas experimentarán un moderado ascenso.
Cidade | Mínima | Máxima |
A Coruña | 8° | 15° |
Ferrol | 7° | 14° |
Lugo | 2° | 12° |
Ourense | 1° | 17° |
Pontevedra | 6° | 16° |
Santiago | 4° | 15° |
Vigo | 6° | 15° |
O vento, mentres, soprará moderado do suroeste, con intervalos fortes no norte. De feito, Meteogalicia sitúa en alerta amarela o litoral de Lugo e A Coruña, por vento do suroeste de forza sete. O aviso actívase ás seis da tarde.