Detidos dous mozos por causar numerosos actos vandálicos en Negreira

Dous mozos foron detidos no municipio coruñés de Negreira como sospeitosos de numerosos actos vandálicos que xeraron danos por valor duns 30.000 euros, informou este luns a Garda Civil.

Os danos en vehículos dunha empresa de autobuses de Negreira, onde residen ambos, foron perpetrados entre setembro e novembro, indica a Garda Civil nun comunicado.

Os investigadores descartaron que a agresión fose contra a empresa, que a consecuencia diso tivo perturbacións nas súas liñas de transporte, e cren que se trata de vandalismo.

Os dous mozos están investigados por incendios, desfeitas no interior e pintadas en vehículos desa compañía, cuxos danos ascenden a uns 30.000 euros.