O equipo de cociña do Balneario de Mondariz, dirixido polo chef Henrique Prada, alzouse co Premio Aperitivo Codorniu do Concurso Cociñeiro do Ano, na semifinal do certame que se celebrou en Santiago de Compostela. O entrante preparado polo cociñeiro do equipo, Iván Méndez, co nome de Corneto recheo de bacallau e queixo San Simón en merengue, combinaba dous produtos típicos galegos e defende unha cociña de autor con ingredientes de calidade O Premio Aperitivo Codorníu está dotado cun lote de produtos Codorníu e unha pluma Montblanc.
O equipo do Balneario de Mondariz participou na semifinal do Concurso Cociñeiro do Ano representando a Galicia, logo dunha importante selección de chefs da comunidade.
Pé de foto: Iván Méndez, Henrique Prada e Ángel Martínez.
