Sacar o mellor partido ao sabor deste peixe azul é o obxectivo das IX Xornadas do Bonito, que acolle o compsotelano restaurnte Calderón do 21 ao 31 de xullo.
Para esta novena edición, Siro González, chef do restaurante, preparou un recetario actualizado: croquetas líquidas, bonito con caviar de auga ou ensalada de bonito con aceite de café son algúns dos exemplos con que as novas técnicas culinarias enche de sabores a preparación deste peixe para presentar os pratos máis orixinais.
Cada un dos manxares está coidado ata o último detalle, desde a elaboración do prato ata a presentación e forma de consumo gourmet. Ademais, os comensais poderán reservar mesas en exclusiva para degustar ''con total dedicación o menú estreito e longo'' que ofrece este establecemento, situado na Carreira do Conde, en Santiago de Compostela.
O propósito das xornadas é dar a coñecer as propiedades do bonito como un produto de alta calidade, de época e totalmente aproveitable ''descubrindo un novo crisol de posibilidades para cociñar un peixe versátil e de gran valor nutricional'', tal e como explican desde a organización do evento.
