El tiempo
miércoles. 28.09.2022
El tiempo

Enoturismo no fin do mundo

O Cabo do Mundo, donde se emplaza la bodega Abadía da Cova (Foto: GUILLERMO GONZÁLEZ)
O Cabo do Mundo, donde se emplaza la bodega Abadía da Cova (Foto: GUILLERMO GONZÁLEZ)

O Cabo do Mundo é á Ribeira Sacra o que Fisterra é á costa atlántica. Un lugar de beleza indiscutible onde a auga, o ceo e a terra atópanse en perfecta harmonía e debuxan unha paraxe única que sobrecoge ao ser humano.

A firma de viñedos e licores Abadía da Cova, detrás da que está Adegas Moure, ten precisamente as súas raíces no Cabo do Mundo (O Saviñao) e os seus propietarios puxeron en marcha un proxecto enoturístico para compartir a súa riqueza vinícola e paisaxística con todo aquel que estea disposto a penetrarse na natureza da man do mundo do viño.

Este verán, Abadía da Cova propón ao visitante un plan que inclúe un percorrido pola súa adega, cata de viños e unha ruta de sendeirismo. O proxecto comeza nas propias instalacións da firma, construídas fai 30 anos xusto enfronte do meandro que forma o río Miño ao seu paso pola Cova. A adega, feita de sillares de granito, recorda na forma a unha abadía e alberga no seu interior a última tecnoloxía en elaboración de viños. Dela saen cada ano miles de botellas de albariño, godello e mencía con uva que procede de 15 hectáreas de viñedo situadas nos arredores da propia adega e que chegaron aos antepasados da familia Moure no ano 1836, tras a desamortización de Mendizábal.

José Moure, fundador de Abadía da Cova, pai e sogro de José Manuel Moure e Evaristo Rodríguez, os actuais propietarios da firma, foi o que deu un enfoque comercial a Abadía da Cova e aproveitou o potencial do viñedo que os caprichos da historia deixaron nas súas mans. Adegas Moure é un dos piares da Denominación de Orixe Ribeira Sacra, os seus propietarios foron pioneiros na elaboración de viños en barrica e dos primeiros en dar o salto á produción ecolóxica. O consumidor e os críticos recoñeceron nos últimos anos os seus viños con máis de 150 premios e o último gran proxecto da empresa é o enoturismo.

Tras a visita á adega, o turista pode probar os caldos nas instalacións e despois penetrar nunha ruta entre viñedos para coñecer o concepto de viticultura heroica e a beleza natural do Cabo do Mundo.

HORARIOS

A adega recibe visitas de martes a domingo.

Durante os meses de xullo e agosto, as visitas ás instalacións de Abadía da Cova (O Saviñao) poden realizarse de martes a domingo en horario de 10.00 a 14.00 horas e de 16.30 a 20.00 horas. As reservas poden facerse chamando por teléfono ao número 982.45.20.31 ou enviando un correo electrónico á  dirección da adega. No seu interior pódese acceder, entre outras dependencias, á sala de viños novos e de viños en barrica..

Máis alternativas

Preto da adega hai unha praia fluvial cunha zona de baño, unha cafetería e outros servizos, a igrexa románica da Cova que data do século XIII, restaurantes, o club náutico de Belesar desde o que parten os catamaráns e varias casas de turismo rural.

Enoturismo no fin do mundo
comentarios