O próximo fin de semana, os días 20 e 21 de agosto terá lugar a celebración da Festa da Ameixa na vila mariñeira de Carril.
Así, o sábado, primeira xornada da cita gastronómica, celebrarase a partir das 6 da tarde a XVI edición de Concurso dá Ameixa Cociñada, no que todos os que participen deberán mostrar os seus dotes e a súa orixinalidade na cociña co prato estrela, a ameixa babosa. O fallo do xurado permitirá facer entrega dos premios aos gañadores.
A segunda xornada abrirá pouco antes do mediodía coa recepción das autoridades da Orde dá Ameixa na Confraría de Pescadores de Santiago Apóstolo de Carril. ás doce en punto se pocederá á lectura do pregón, da man do humorista Moncho Borrajo, e posteriormente nomearase aos Cabaleiros e Damas dá Orde dá Ameixa de Carril. A continuación, a degustación popular do produto fará as delicias de todos os que se acheguen ao recinto da festa.
Coa ración de ameixas á mariñeira, cuxo prezo é de 8 euros, os visitantes levarán como recordo un prato conmemorativo. Poderase degustar tamén o viño 'Maior de Mendoza', que vale 7 euros por botella, ademais de que se porán á venda outras ofertas gastronómicas e souvenirs varios.
