Galicia continuará o venres cunha xornada inestable, na que non se esperan cambios significativos, polo que seguirán os ceos parcialmente cubertos e os chuvascos, ocasionalmente tormentosos, máis probables no sur, segundo a predición de Meteogalicia.
As temperaturas sufrirán un descenso, máis acusado os valores mínimos.
O vento soprará frouxo, de dirección variable pola mañá, e de compoñente norte pola tarde.
Temperaturas mínimas e máximas para o venres nas cidades:
A Coruña 12° 17°; Ferrol 11° 19°; Lugo 7° 20°; Ourense 10° 22°; Pontevedra 11° 19°; Santiago 9° 18°;
Vigo 11° 19°.
